أخر الأخبار
بادور فيَّا عن… نفسي شعر بقلم الكاتب والأديب محمود رمزي خليف
شعر محمود رمزي خليف
بادور فيَّا عن…
نفسي؛
ما بالقي فيَّا إلاكي
كإن الخلق من طينة،
وطينة خلقي دي…
هواكي
باحط ايدي على خدي
كإني طفل…
مستني رجوع أمه
ولما تيجي بتدوب…
جبال أحزانه…
بالضمة
يا ساقية الشهد…
بكفوفك
أنا نفسي هنا اشوفك
وحشتيني…
كوردة بتوحش ألاغصان
وحبك شرح…
الإدمان
طاب ازاي راح…
أعيش بعدك؟!
وبرضه ازاي هييجي..
الصبح
لواحد قضى ليله…
فـ جرح
أنا اتعذبت فـ
غيابك…
أنا اتعذبت
كأني مني…
– فـ بُعادك
أنا
َ عزِلت
دموعي نازلة
– من عيني –
بدون أسباب
وكنت فـ حبك…
إلانسان
وكنت فـ بعدك…
إلانسان
ولكني…
أنا إنسان…
ومنه غاب
فأنا اسف
وعودي لحضني
أنا من غيرك فقدت أمان
