مي القاضي: اتمرنت 5 شهور.. ومش هعمل دور راقصة تاني
كتبت -رانيا البدرى
حلت الفنانة مي القاضي ضيفة على برنامج “كلام الناس” مع الإعلامية ياسمين عز، وذلك للحديث عن مشاركتها وأسرار وخبايا كواليس دورها في مسلسل “العتاولة 2″، والذي عرض في موسم دراما رمضان 2025.
وكشفت مي القاضي أنها تمرنت لمدة 5 أشهر عن طريق حصتي رقص في الأسبوع لمدة ساعتين، متابعةً: “الموضوع كان صعب كأنك بتعلم طفل إزاي يمشي وغيرت صوتي عشان أبققى عالمة واتعلمت أزغرد”.
وأضافت مي القاضي أنها لن تقوم بتجسيد أدوار رقص مرة أخرى خلال مسيرتها الفنية المقبلة، مضيفة: “كنت متوقعة يحصل سلبيات بس مش للدرجة دي، واتخضيت لما شفت مشهد رقصي يمكن أكون متوفقتش في البدلة، وهي مش اختياري، ومش هعمل دور راقصة تاني، ومامتي زعلت مني ولامتني جدًا”.
وقالت مي القاضي: “أول مرة أعمل دور راقصة والناس متعودين عليا إني بنت طيبة وكيوت ومش شر، وكانت أول مرة يتعرض عليا حاجة مختلفة فحبيت أخوض التجربة، والناس بعد الدور قالوا إيه ده مي القاضي بقت بيئة أوي ولكن هي دي الشخصية اللي كنت بجسدها في مسلسل العتاولة 2”. ونفت القاضي وجود خلاف بينها وبين الفنانة هدى الإتربي، خلال تصوير المسلسل، قائلة: «مفيش مشاكل خالص بيننا ومكنتش بشوفها في اللوكيشن، ومفيش أي مشهد جمعنا». وتابعت: “أنا من ناحيتي مفيش أي حاجة، وأول مرة أطلع أتكلم من أول رمضان وأي انطباع اتاخد مليش علاقة به”.
