أخر الأخبار
قلت له بحبك كلمات الكاتبة والأديبه لبني يونس
قلت له بحبك.
قالي وايه كمان ،
قلت له عشقت معاك الحياة ،
عشقت معاك الامان ،
قالي ….
انا انسان بسيط غلبان ،
ده انا علي باب الله مش فارس من الفرسان ،
و لا عندي عزبة ولا في الحي ليا مكان أو دكان ….
مش عايز يا غالية اغشك ،
تبني في الخيال عشك ،
قصور من الاحلام فيها العز والهنا الوان ،
أوعي تفكري يا نور العين ،
اني خاين أو قليل الاصل جبان ،
كل اللي حيلتي يا بنت الناس،
صوابعي و ناي اعزف بيهم الالحان ،
اسعد بيها الأمير وينبسط الغلبان ،
في الدنيا دي زاهد لا عايز منها جاه ولا سلطان ،
عايش علي ادي ضعيف الحال .
قلت له ،،،،،
عشان كده حبيتك ،
حبيت فيك الانسان.
حبيت القلب الابيض ،
لا أنا عايزة مال قارون ،
ولا جناين وابل النعمان ،
انت في الشهامة والمرؤة اعز وأغلي الناس ،
وعزة النفس اغني من الملوك والأعيان ،
دكتورة لبني يونس
