ستات الفاترينة بقلم الكاتبة والأديبه هناء زغلول

ستات الفاترينة

بقلم …هناء زغلول

زي ما في فساتين للعرض في الفاترينه عشان تجذب انتباه المشتري في كمان ستات وظيفتهم شد انتهاه الرجاله …. بيبقوا زي البضاعة اللي صاحبها بيلمعها و يجملها للزباين…..وفي اللي بيغريه شكل البضاعة من بره ومش بيهموا جودتها ولا أصلها المهم ان شكلها جذبه…بس لو قرر يشتري مش هيشاور علي اللي في الفاترينه ويقوله هاتلي من ده، لأ دا هيدخل المحل و يفرز البضاعة حته حته و هيشوف اصلها وفصلها ووقت الدفع مش هيهمه شكلها ……..وقت الجد هياخد اللي تستحمل معاه و معدنها اصيل …. وهيكتشف ان اللي في الفاترينة للعرض مش للشراء…….. حاجة كده تشد من بعيد لبعيد …. منظر للفرجه

ماتقلليش من نفسك وتراهني علي جمالك وتحطيه في فاترينه يتفرج عليه اللي رايح واللي جاي …..الجمال مش هو الأساس ولا عمره اشتري رجال ….. ولو عجبه شكلك بكره هيتعود عليه، اللي هيفضل الروح و الأصل الطيب ….الجمال عمره ما هيدوم…

اهالينا زمان علمونا ان الغالي تمنه فيه والرخيص ما تأمنلوش أصله لا بيعمر ولا بيصون

خليك في الغالي وامسك فيه