بص في ورقتك .. خاطرة بقلم/ د. لبنى يونس
يا عم يا ابو مناخير طويلة
حاشر روحك ليه في حياة الناس
خليك بني ادم زوق خليك اصيل حساس
سيب كل واحد في حالة
غرقان في مشاكله
سارح في موالة
لا انت عايش حياته
ولا عارف ظروفه و دنيته
كل حي فينا له نصيبه وقسمته
ده مهموم
وده عنده ديون
وده عنده عيال بالكوم
وده مريض يعيني عليه
ماحد داري بيه
وده اتحرم من عزيز و غالي عليه
بص لورقتك خليك في نفسك
وسيب كل واحد في همومه
يرتب زي ماهو شايف دنيته
و اموره .
