أخر الأخبار
مجاملة كلمات الكاتبة والأديبه نجلاء عزت
مجاملة
بقلم الكاتبة والأديبه نجلاء عزت
هتتحمل وتتجمل
وتعمل نفسها بتضحك
وهتبارك وهتشارك
وتيجي تِهنّي يوم فرحك
لا هتشوف الندم في العين
ولا صوتها هيبقى حزين
هتسمع منها زغروطتين
وتتمنى إنها تصالحك
على حبك بتقفل باب
وواقفة تكلّم الأغراب
ماهي جميلة ولسه شباب
وقادرة تدوس على جرحك
مش أنت قدرت تهجرها
قبلت تعيش مع غيرها
بترجع ليه تفكّرها
وتطلب إنها تسامحك
ماهيش زعلانة ولا حاجة
رمت أحلامها بسذاجة
عشان ماتكونش محتاجة
وبدأت تنسى في ملامحك
بتقفل باب على الذكرى
وتعمل يعني مش فاكرة
بتغزل توب فرح بكرة
وراجعة سعيدة من فرحك
الأم لولو
نجلاء عزت
