الرغبة الجنسية بقلم الأديبه هناء زغلول ج2

الرغبة الجنسية الجزء الثاني ج_٢

بقلم /  الأديبة هناء زغلول

الحياة الزوجية زي العملة، لها وجهان الاول الرجل والثاني المرأة….

زي ما تناولنا مشكلة البرود الجنسي عند الست،

لازم نعرضها بالوجه الثاني و نحاول ندور علي حلول

مشكله البرود الجنسي عند الرجل بتكون أكبر بكتير وبتعمل أزمة نفسية عند الست، و لو الراجل متاح له انه يتجوز لو مراته عندها مشكلة

طب الست تعمل ايه لو المشكلة عند زوجها ؟؟؟؟؟

اولا لازم نفرق بين البرود وعدم القدرة الجنسية

لإن عدم القدرة مشكله مرضية لازم يلجأ للطبيب

إنما البرود بيكون له أسباب كتير من ضمنها

📌عوامل نفسية وضغوط في الشغل او ازمات ماليه بيتعرض لها الزوج ودايما تفكيره مشغول بيها

📌الزوجة اوقات بتكون سبب من الأسباب في زوجة دايما مشغولة بالبيت والاولاد ومهملة في نفسها

او مش بتبادله نفس الشعور والاحساس فيحصل للزوج احباط

الزوجة هي أساس حل المشكلة ولها دور كبير في تغير نمط الحياة الزوجية لازم ماتكونش تقليدية في معاملتها لزوجها

وماتخدش الموضوع من ناحية الكرامة وأنها ما يصحش تبدأ بالكلام والملاطفه ….

الراجل بيرجع من شغله ماعندوش طاقه للكلام ولو فضلتي ساكته هو كمان هيسكت وبالذات مع نوع راجل زي اللي بنتكلم عنه انه مش دايما عنده الرغبة،

بيكون محتاج حافز و تشجيع لان طبعه كده مش علشان هو رافضك او مش بيحبك،

ولو اخدتيها مسأله كرامه انتي اللي هتخسري وهتعملي فجوة بينكم و مش هتقدري تكسبيه العمر كله ….

هتتقلب الحياة لجحيم، هو مش في دماغه وانتي دايما متحفزة و بتتخانقي معاه لاتفه الأسباب ودايما بيتهمك انك بتعملي مشاكل واوقات تلاقيه بينصحك تروحي لدكتور نفساني لانه شايفك متوترة من حاجات من وجة نظره ما تستحقش النرفزه والتوتر ومش بيواجه نفسه بالسبب الأساسي لأنك مش بتفتحي معاه الحوار وتقوليله انتي محتاجه لايه…

قربي من جوزك واتكلمي معاه ولازم تصارحيه باحتياجاتك وبعدها لو ما تغيرش ابقي حاسبيه

دايما اظهري حبك وحنانك ليه وهتحسي بفرق المعاملة كل إنسان جواه حتة عاطفة لازم حد يحركها فيه محدش قلبه حجر كلنا بشر واحساسنا هو اللي بيحركنا

بيوتنا احنا اللي بنبنيها بالحب والاحتواء وخوفنا علي بعض