عندي مراهق ج1 بقلم الأديبة هناء زغلول
سلسلة مقالات
عندي مراهق،، ج ١
بقلم هناء زغلول
التعامل مع المراهق أصعب من التعامل مع طفل رضيع،
لا انت عارف تضربه، ولا قادر تسكت علي تصرفاته
خايف تشد عليه فيتهور، وخايف تلين معاه فيتجاوز حدوده
المعاملة معاه بتحسسك انك بتتعامل مع أزاز مكسور بتحسس عليه من بعيد
طب ايه الحل ؟
اولا لازم نعرف شوية اساسيات نحطهم قصادنا واحنا بنتعامل مع المراهق وهي
اولا هو مش بيتقبل النصايح المباشرة
ولا هيسمعك لو حس انك عايز تغلطه
ثانيا بلاش تعمل عليه واعظ وتبقي شايفه طول الوقت انه فاشل وضايع ومافيش منه امل
ثالثا لازم تديله احساس الأمان من ناحيتك بلاش تخلي في رهبة من جواه منك لانه هيتجنبك ومش هيفتح معاك اي حوار
رابعا ودي أهم حاجة انك تتابعه من غير ضغط ولا ملاحقه راقبه من بعيد وباسلوب غير مباشر
معلش انت هتتعب شويه معاه بس دي حاجات ضروريه عشان تعدي معاه المرحلة من غير ما تخسر ابنك او بنتك
هما مالهمش غيرك هيهتم بيهم ولا يخاف عليهم
ان شاء الله في الاجزاء القادمة هنتكلم عن اخلاق المراهق اللي بتتغير
ومرحلة التجربه زي السجاير وحاجات تانيه
وبعدها مشكلة المراهق والعادة السرية
الحب في حياة المراهق
انتظرونا مع الجزء الثاني
