قلة الأدب مطلوبة بقلم الأديبة هناء زغلول
قلة الأدب مطلوبة
بقلم هناء زغلول
جميل أن الام تربى بنتها على الأدب والاحترام، و تعاليم الدين،
بس دا للتعامل مع الاغراب،
إنما لما تتعامل مع جوزها حلالها، لازم تعلميها ان في فرق مابين الاحترام والجمود،. اغلب الرجالة بتدور على الست البشوشة، اللي تعرف تعدل مزاجه لو راجع تعبان و قرفان من ضغط الشغل،
َمش عايز يرجع يلاقي واحدة عاملة فيها ست الناظرة ولا لابسة إسدال الصلاة وعاملة فيها شيخة،
كل حاجة ولها وقتها،
علميها إزاي تلاطف جوزها وتسمعة كلمة حلوة،
الأدب الزيادة مع الزوج بيعمل جفاء وبيبني حاجز بينهم،
الست مش مطلوب منها تكون محتشمة في لبسها وكلامها مع جوزها،
علموا بناتكم إن الراجل بيتجوز عشان يلاقي الحنية و الطبطبة،
الستات بقت أنانية كل تفكيرهم ان مهمة الراجل انه يدلعها ويهتم بيها وهو مالوش اي متطلبات،
علمي بنتك ازاي تبقى أنثى عشان ماترجعش تشتكي لك انه مش محسسها بأنوثتها
