خاطرة: جيل السبعينات بقلم الأديبة تهاني عدس

خاطرة: جيل السبعينات

بقلم: تهاني عدس

احنا جيل غلبان ملوش كتالوج

احتارو فينا سمونا الجيل إكس 

لما الزمن قسي علينا و اتحملنا 

افتكرونا اننا جبلة و مش بنحس  

احنا ناس أتربينا على الخوف 

لا بنسمع ولا نتكلم ولا بنشوف

لو اعترضنا، يومنا مش بيفوت 

ولو غلطنا مرة ناخد علقة موت 

كنا نصرخ بس من غير صوت

جيل ضايع ومتوتر دايمًا قلقان 

بين دوشة دلوقتي وهدوء زمان 

عاقلين عايشين بس في جنان  

الأجيال بعدنا بيندبوا حظهم 

ياريت حظنا كان بس نصهم 

ياريتهم يعرفوا اننا زينا زيهم

الدنيا وجعتنا وشبعتنا ضرب

ورتنا بلاوي كده من غير ذنب 

و ذنبنا هو اننا منعرفش الندب