سلسلة مقالات عندي مراهق ج٤ بقلم هناء زغلول
سلسلة مقالات
عندي مراهق ج٤
بقلم هناء زغلول
في صفات في المراهق الاهل مابيصدقوش ان ابنهم فيه الصفة دي، ولا يتخيلوا ان ابنهم اللي مربينه احسن تربية يعمل تصرفات معينة،
اولا لازم نواجهه نفسنا بالحقيقة، ومانحاولش نهرب منها
يعني ابنك بيكدب عليك وبيداري حاجات، دا عادي وطبيعي في سنهم، لانه عارف لو قال الحقيقة هيتهزق منك فهتلاقيه بيكدب ، بس لما تتأكد من كدبه بلاش تصارحه انك عرفت سيبه يفضل خايف منك وشعور الخوف اللي جواه مش هيخليه يتجرأ اكتر ،
ومن أمثال المواضيع اللي المراهق بيخبيها وبيكدب لما بيشرب سجاير، طبعا دي من أهم المشاكل اللي بتقابلها اسرة المراهق، وبيكونوا دايما في حيرة،
مش عارفين يتصرفوا ازاي وبتدور في راسهم اسئلة كتير من نوعية
اواجهه واضربه ؟
ولا مابينش اني عرفت؟
ألمح له من بعيد اني شاكك فيه وحاسس انه بيشرب؟
حقيقي الاهل بيكونوا في ورطة حقيقيه ومش عارفين يتصرفوا ازاي
اكيد في حلول بس مش بتنجح مع الكل لان مش كل مراهق شخصيته زي التاني،
في مراهق عايز يعيش دور الواد الصايع اللي مابيهموش حد و رأيه من دماغه
وفي اللي شخصيته مهزوزة وبيحاول يبين انه جامد وماسكة السيجارة بتديله ثقة في نفسه ،
لازم نفهم العوامل النفسية اللي بيمر بيها المراهق عشان نعرف المدخل للكلام معاه وازاي نقدر نوجهه من غير ما يعند ويكابر ،
اولا وانت قاعد معاه كلمه علي انه لازم يهتم بشكله وجسمه وهات الموضوع من ناحية ان البنات دلوقتي بتحب الولد اللي جسمه كله عضلات ورياضي وان جسمه محتاج يتظبط وأعرض عليه تروحوا الجيم مع بعض وتاخد الكلام في سكة تانية ان اللي عايز يبقي رياضي ماينفعش يشرب سجاير عشان نفسه مايبقاش قصير وكلام يحمسه انه يهتم بشكله وجسمه وكلام علي المتغطي عن أضرار السجاير
ولازم تكون متأكد انه كده كده هيجرب ما هو ابنك مش ملاك ،
انتظرونا و الجزء الخامس مع المراهق والعادة السرية
