الست المكسوفة بقلم الكاتبة والأديبه هناء زغلول
الست المكسوفة
بقلم الكاتبة والأديبه هناء زغلول
الحياء مطلوب والحشمة وقار بس يا تري ايه الحل مع الست لما تتجوز وتفضل عايشة في دور المكسوفة و محافظة علي وقارها مع جوزها!!!!!!!!!!!!!!
وهل دا يتحط تحت بند الوقار ؟
كل واحد لما بيتجوز عايز يحس بالونس والسكينة ويكون علي راحته مع شريكة حياته، مش هيعيش عمره كله محافظ علي اسلوبه وطريقته في الكلام حتي في بيته
ما هو بيتعامل بوقار مع زميلته في الشغل، ومع جيرانه واهله وحتي مع امه وأخواته،، ايه المتنفس ليه غير شريكة حياته اللي بيستني منها تخرجه من حياة الروتين والشكليات
كسوفك ومحافظتك علي وقارك مع جوزك بيقتل مشاعر كتير بينكم…وبتبني سور عازل بينك وبينه…..
مع مرور الوقت هتبقوا زي الاغراب ومش هتكوني الونس اللي بيلجأ له وقت حاجته ولا هيعرف يفضفض معاكي ويحكي…… عملتي جدار عازل بينكم بسبب تحفظك معاه
الزوج محتاج يحس ان بيته هو المكان الوحيد اللي هياخد فيه راحته ويكون علي طبيعته مش عايز واحده تكلمه بتكلف و تحسسه انه قاعد مع حد غريب عنه …….
عزيزتي المرأة مهما وصلتي من درجات العلم والمركز الاجتماعي فأنتِ في النهاية إمراة لازم تكوني حنونه و حساسه تحتوي شريك حياتك لازم يحس بعطفك عليه
بدل ما يدور علي اللي نقصه مع حد غيرك.
مشكلة من_الحياة
