لما بتبعد عن عنيا كلمات الكاتبة والأديبه خلود حسان
لما بتبعد عن عنيا
وتتقل حبتين عليا.
قلبي بياكلني عليك.
****************
ياحبيبي ماتخف شويه.
رق ياروحي وحس بيا.
انا دايب اوي ف عنيك.
********************
ينفع كده وده يرضي مين.
انت تفرح وانا اعيش حزين.
*******************
انا السهران انا الولهان.
وانت علي طول تقلان.
انا المشتاق اللي قلبه داء
منك كتير ليالي الحرمان.
********************
انا الدايب في سحرك.
وغرقان جو بحرك
ومع ذالك منك عطشان.
*******************
ياعيني ياليلي يا يا ياليل.
انا اللي كتبت في الحب.اغاني ومواويل..
وانا اللي سعاد غنت لي زمان ياواد ياتقيل
يصبح حالي كده واخلص مصانع المناديل
انا عمري ماكان بيهزني ريح.
دلوقتي بقيت من المجاريح.
امتي ياحبيبي تعود ياحبيبي.
وتجيني علي بساط الريح.
