هناء زغلول تكتب ننوس عين أمه

ننوس عين امه

بقلم الكاتبة والأديبه هناء زغلول

المشكلة الاساسية في ارتفاع نسبة الطلاق هي تربية الامهات لاولادها

خلينا نقول معظم الأمهات مش كلهم بيربوا الولد علي انه يعمل اللي هو عايزه، تبقي عارفه انه بيكلم كذا بنت وماتقولوش عيب مايصحش تلعب ببنات الناس بالعكس اوقات بشوف أمهات بتكون فرحانه بابنها وشايفاه انه كده روش والبنات بتجري وراه …..

وكل ما يكبر ومش بيلاقي حد يقوله دا عيب ودا حرام بيشوف ان اي حاجه عادي وسهلة …

يعرف بنت و يلعب بعواطفها ويسيبها ويعرف غيرها

والمصيبة الأكبر لما يقرر يتجوز والست والدته تدور له علي واحده خام عشان تشكلها علي مزاجها وتصون المحروس ابنها ….

ويتجوز ننوس امه و هو لسه شايف نفسه الواد الروش اللي ماحدش يتحكم فيه ويعمل اللي هو عايزه ومش بيحس بأي مسئولية لبيته ومراته ومع اول مشكله هيلاقي امه تقوله سيبها وانا اجوزك احسن منها ……. وفي اللي تقوله تعالي اقعد عندي ريح اعصابك وسيبها لحد ما تعرف قيمتك….

منتهي الاستهتار بمشاعر بنات الناس ولو اشتكت هتسمع كلام من نوعية هو منقصك حاجة مش في آخر اليوم بينام في بيته،

كما لو ان الست مالهاش اي حقوق غير اكلها وشربها

انما المشاعر والإحساس بالأمان دول كماليات من وجهة نظر اهل الزوج ….

غالبا اهل الزوج مش بينصفوا الست و بيجوا عليها……… نسبة قليلة قوي اللي بيراعوا ربنا في النقطة دي ويغلطوا ابنهم

إنما الغالبية منهم مابيطلعوش ابنهم غلطان ابدا

راعوا ربنا في بنات الناس واعتروهم زي بناتكم لان الظلم آخرته وحشه وربنا هيرد لكم كل اللي بتعملوه