أيوه أنا..  شعر بقلم د / سعاد حسني

أيوه أنا

أنا الصبر أنا التحدي

ولا حد يقدر يتحدى عندي

العمر بحاله عشته أنا

الواقع وخياله برده أنا

أنا طفلة برئية بتحب الحياة

وأنا المرأة الجريئة عقلها يأخذ

ويدي في مليون إتجاه 

الحلم الجميل هو أنا

والليل الطويل ليا انا

الجرح وألامه أنا أنا

والحب وملامه يعني أنا

أنا كل حكاية حب حلوة

        ولا مرة

أنا كل عشق لقلب وأتعذب

         ألف مرة

سهر الليالي لي أنا

طول إنشغالي عشاني أنا

أيوه أنا أيوه أنا