الأجهزة الأمنية تفحص فيديو تهشيم وجه سيدة على يد بلطجى فى إمبابة
تفحص الأجهزة الأمنية بالجيزة ملابسات مقطع فيديو سردت فيه فتاة تفاصيل تهشيم بلطجي لوجه والدتها بـ”قالب طوب” بمنطقة إمبابة.
وسردت ابنة المجني عليها تفاصيل الحادث في مقطع فيديو قائلة: “أنا هكحي اللي حصل بالتفصيل لوالدتي، يوم السبت الساعه 7 الصبح تقريبًا ماما صحيت وسمعت صوت عالي دخلت البلكونة بعد ما وقفت على طول شافها اتحدف عليها قالب طوب انترلوك، طبعًا وقعت من طولها والدم غرق الدنيا وزحفت على إيديها لحد باب الشق،ه والمسافة مش صغيرة، وهي بتنزف وجيراننا والناس اللي شافوا اللي حصل خبطوا علينا”.
وتابعت: “جرينا بيها من مستشفى لمستشفى لأن الوضع كان صعب جدًا، ومفيش مستشفى قبلتها، وطبعا اللي ضربها واضح في الفيديو وهو باصص عليها وبيرمي الطوب، ووالدتي معاها موبايل بزراير مفيهوش كاميرا ومبتعرفش تصور أساسًا، وكل اللي تبعه مطلعين إشاعة إنها كانت بتصوره علشان كده ضربها، وطبعًا ده محصلش؛ لأن لو في إيديها موبايل كان من الأولى ترن على حد فينا يلحقها مش تزحف علشان تفتح الباب، موبايلها اللي كانت سيباه في الشقه جوه مكانش في إيديها، أسفة على المنظر فيديو فيهم مبينة وهو بيضربها، وفيديو لماما وهي نازلة مع أخويا من البيت، وهو موديها المستشفى، روحنا 3 مستشفيات ودلوقتي هي في العناية”.
وختمت: “المكان إمبابة البصراوي شارع كمال حمزة، عاوزين حق أمي بأسرع وقت”.
