ظلم الناس  شعر/ سكينة الصولي

ظلم الناس

شعر/ سكينة الصولي

جراح وراها جراح

والقلب عايش نواح

ياطبيب أوصف لى الدوا ٠٠

يمكن فى يوم أرتاح

دى جراح وراها جراح ٠

جراحى طفت شموعى

فى نواحى كترت دموعى٠٠

والدنيا أسودت فى عينيا٠٠

وإختفت الناس من حواليا

ياريت يازمان ترضى عليا

وتسيبنى تانى أعيش

أفراح

ظلم الناس غير لى حياتى ٠٠

عيشنى فى حيرتى وآهاتى ٠٠

خلى أمالى بقت بتعانى

خلى الحلم نسي عنوانى٠٠

ليه ظلمكوا بيزيد أحزانى ٠٠

وأعيش طول العمر جراح٠٠

ليه تكسروا قلبي المسكين ٠٠

ليه للود ياناس ناسيين

قلوبكو ليه زى الحجر

الظلم حواليكو أنفجر

هو أنتو نوع تانى م البشر ٠٠

مافيهمش تقوى ولا صلاح٠٠٠٠

خليتوا الدنيا جراح فى

جراح ٠٠٠