أخر الأخبار
إياك تفكر صابرقدح
إياك تفكر
صابرقدح
اياك تفكر انى من غيرك
مش هاقدر أعيش
ولا الكون من دونك
مايمشيش
ولا صفحة القمر
ماتنقريش
ولاّ الشمس تبطل تطلع
على مافيش
انا كان ليا عندك كتير
دلوقتى اصبح ماليش
كان بينى وبينك شعرة
للأسف ماسيبتنيش
لحد ماقطَّعت قلبى
ياجرح مايتنسيش
بالله عليك
ليه مارحمتنيش
دا اللى كان بينى وبينك
ماينتهيش
ولايتنسيش
قد ايه دست على قلبى
ووجعت جوايا السنين
وقتلت ويايا الحنين
دا انا للأسف
لسة ماعيشتنيش
فمتشتكيش
وانت خلتنى قدام الدنيا
مافيش
وماساويش
واكون حرف مايتقريش
اضحى بايه تانى علشان
ماتفتريش
عمرى وحياتى ف إيدك
حبة حكاويش
فليه ماصنتنيش
وسبتنى قدام خيالى
ضهر مايتحنيش
معقولة انت عزوتى
ولّا كسرتى
ياحلم فى عزالنهار
منه ماصحتنيش
ولاّ انا فى الخير ماليش
دا حتى الفيلم مانفعتش
انى اكون فيه… أفيش
الفيلم انتهى كفاية
ماتظلمنيش
واياك تفكر انى من غيرك
مش هاقدر اعيش
صابرقدح
