أخر الأخبار
خاطرة: مالك بقلم: تهاني عدس
خاطرة: مالك
بقلم: تهاني عدس
مالك؟!
ايه اللي جرالك؟!
مهموم و دايماً ساكت
هي الجنة فاتتك،
ولا القيامة خلاص قامت؟!
عارف ايه مشكلتك؟
انك ف عنيهم جبل
شايل لوحدك وبتتحمل
لو يوم تشتكى يتقالك
هو فيه ايه يا جدع،
قوم بقى وبطَّلْ دَلَعْ
لا ضرسك وقع
ولا كتفك حتى انخلع
اقولك رأيي ولو انه سخيف؟!
ايه مصبرك على الحلاليف؟!
انت بني آدم من لحم ودم
وممكن تتهد من كتر الهم
انت مش تور مربوط في ساقيةً
ولا مكنة بالكهربا بتدور بموتور
اللي مايقدرش تعبك،
يروح في داهية
واللي ما يعرفش قيمتك،
يمشي يغور
وعجبي!!
