ماذا لو عاد معتذرًا؟.. إجابة صادمة من زوجة عبد الله رشدي
كشفت أمنية حجازي، زوجة الداعية عبد الله رشدي، تفاصيل جديدة عن علاقتها السابقة به، مؤكدة أنها تحرص يوميًا على إرسال صور ابنتهما إلى والدها، قائلة: «هو مش مقصر في المصاريف بصراحة، لكن لو أنا مبعتش الصور مش بيطلبها، مرة أسبوع كامل مبعتش، ولما كلمته قالي أنا مطمن طالما هي معاكي».
وخلال ظهورها في برنامج «مساء الياسمين» مع الإعلامية ياسمين الخطيب على قناة الشمس، تحدثت أمنية عن أكثر ما آلمها بعد الانفصال، قائلة: «اللي وجعني سكوتُه، الناس كانت بتخوض في عرضي وهو ساكت، كان المفروض يدافع عني لأنه زوجي ودمه لازم يكون حامي عليّ».
وأضافت: «بعد تجربتي معاه، بقيت عندي مشاكل نفسية محتاجة أتعالج منها قبل ما أفكر في أي ارتباط تاني، أنا دلوقتي إنسانة مكسورة ومتعبة من جوايا».
وعن احتمال عودته إليها، ردت أمنية على سؤال «ماذا لو عاد معتذرًا؟» قائلة: «والله حتى لو رجع من العمرة، عمري ما هسامح اللي وصلني للحالة دي، هو نزل من نظري خلاص».
واختتمت حديثها قائلة: «كنت أتمنى الانفصال يتم بأدب، لأني اضطريت أعمل حاجات مكنتش حاباها، ومش كنت عايزة الناس تشوفه بصورة وحشة، في النهاية هو أبو بنتي».
