أخر الأخبار
الشادر صابر قدح
الشادر
صابر قدح
خد لك من الأيام والزمن ساتر
لا تظلم ولا تحسد، وخليك فاكر
إن الدنيا دوارة لك أو عليك
وإياك في يوم تكسر لاخوك خاطر الدنيا شادر كبير تشترى وتبيع
صيف وشتا و يا خریف وربيع
يوم بتضحك ويوم بتبكى
خلى عملك يكونلك شفيع
الشَعر الأبيض على دماغي وراني
اللى كلته على قفاه كلنى على ودانى بالسنتى والمللي لمسة بلمسة
كل اللى أذيته في عجزى أذاني
كل بسمة رسمتها على الشفايف
كل دمعة مسحتها على خد خايف
كل الأماني اللى زرعتها طرحت
قلب أخضر و أمل طايف
طاف قلبي ووزع على الأحبة
نية صافية وأمانى ومحبة
سبت بصمة على كل صديق
و بسمتی مش عارفة تستخبى
ارجع عن الغلط خليك شاطر
لأنك إنت اللى ها تزعل ف الآخر
ماتخنقش نبض قلبك وحرفك
ووزع الخير تلقاه جايلك حاضر
لا تبيع الماضى ولا تبيع الحاضر
اشترى الأفراح ووزع جبر الخواطر
و فرح قلب الصباياوالشباب
أعمالك معروضة فى كل شادر
صا بر قدح
٢٥/١١/٢١
