تقبل الذات …..وثأثيره علي حياتنا اليوميه

كتبتها ( د/سندس ابراهيم )

تقبل الذات من الأشياء الاساسيه وليس ترفيهاً
بمعني اني اكون عارف عيوبي ومميزاتي وأتعامل معاهم التعامل الصح علشان اكون انسان اقرب للسوء النفسي لان زي ما بنقول مفيش انسان سوي نفسياً 100% وبالتالي هكون انسان مفيد اولا مع نفسي ومع الآخرين
اني اكون عارف نقاط القوه ف شخصيتي ونقاط الضعف ومع كل ده مش بصدر حكم قاسي علي نفسي لا بالعكس أنا بتعامل مع كل حاجه بشكل إيجابي
وعلشان اكون كده لازم الاول افهم يعني اي تقبل الذات ؟؟
اولا اني اكون معترف بالسمات الايجابيه ف شخصيتي والسلبيه كمان من سمات عقليه وجسديه وده بعرفه من التجارب ف الحياه ومشاعري تجاه التجارب دي كان عامل ازاي ولو واجهت تجربه منهم تاني هعرف أتصرف معاها ازاي وهنا هعرف الايجابيات والسلبيات
وبعد ما اعرف كل حاجه عن نفسي لازم اقدر ده من غير ما احكم أنا انسان قوي او ضعيف مفيش انسان قوي علي طول ولا ضعيف ع طول
المهم اني اعرف قيمه نفسي واني إيجابي بشكل ما وفي مكان معين يعني مثلا مش لازم ادخل طب او هندسه علشان اكون شاطر ولو مدخلتش طب هكون فاشل لا ممكن ادخل حاجه أنا بحب وبفهم فيها (مفيش قمه كل واحد قمه ف المكان اللي بيحبه وبيبدع فيه )
وده بدايه التغيير اني أفكر بشكل إيجابي وبعد كده أبدا ف التطوير لا يمكنك تطوير نفسك بدون ان تتقبلها وتفهمها
لان التطوير الإيجابي ف الشخصيه هيساعدك تخلي أهداف قابله للتحقيق
ومهما كان الهدف اومهما كان صغير ده هيدفعك للمواصلة وتحقيق اكتر وبكده تزداد ثقتك بنفسك