الراجل مش طفس بقلم الأديبة هناء زغلول

الراجل مش طفس😊

بقلم هناء_زغلول

مافيش راجل هيقرر يتجوز جوازة تانيه غير لما يكون فعلا في حاجة نقصاه مع مراته الاولي، أو إحساس معين مش قادر يوصله،

ومن الأسباب اللي بتخلي الراجل ياخد قرار التعدد انه يكون لقى الحب اللي بيدور عليه مع انسانه حبها بجد

الراجل مش طفس، ولا عينه فارغة لما يفكر يتجوز تاني،

والقرار دا مش بياخده بسهولة، ولا في لحظة تهور،

إنما بيوصل له بعد تفكير كتير ولما بيبدأ في التنفيذ بيكون عن اقتناع تام

إنما الراجل الطفس او الرمرام، دا مش بيتجوز على مراته لانه مش بيحترم الست ولا بيفكر فيها اصلا كل تفكيره في نفسه ونزواته، فكل فترة بيعرف واحده يتبسط معاها يومين ويسيبها ؛

وفي نوع بيتداري تحت شعار الدين ويتجوز جواز متعة وهو مقرر ما يكملش وبردو بيبقى كل همه نزواته

والنوعين دول لا يمتوا للرجولة بصلة

إنما الراجل الحقيقي بيحترم الست وبيقدرها عشان كده لما بيحس انه في حاجة ملحة نقصاه في جوازته الاولي بيدور علي الحلال مع زوجة تانيه بنية الاستقرار وانه يعف نفسه من الحرام