وفاء سالم تحكي كيف تم النصب عليها من دكاترة التجميل

وليدمحمد

حكت الفنانة وفاء سالم في برنامج الستات معاناتها مع دكاترة التجميل والنصب عليها «لا بعمل ميكب ولا شعري وحتي في فيلم النمر الاسود كنت بطلع من غير ما اعمل شعري وميكب خفيف جدا من خمس سنين صحفية كلمتني واستدرجت اني اروح لدكتور تجميل وبعد زن كتير روحت لعيادة تجميل والدكتور اقنعني يعملي حاجات بسيطة لاقيت نفسي بعد ما خلصت مش عارفه انطق».

وأضافت «كلمت الصحفية قالتالي أنا كنت وسيط بس وبالتالي علي دكتور تاني روحتله لاقيته زعقلي جامد وقالي ازاي تروحي لحد يلعب في وشك والدكتور رفض وقالي روحي للي عملك كده روحت للدكتور اللي عملي كده قالي مين عملك كده في وشك مش انا أتنكر من عملته روحت لدكاترة كتير لحد ما وشي باظ خالص وبوقي اتعوج علي مدار 5 سنين الدنيا بايظة وانا مش انا.. لحد ما رحت لدكتور شاطر عملي عملية جراحية كل حاجه اظبطت تاني بعد ما كل حاجه كانت باظت في وشي».

«الناس هاجمتني جامد وانتقدوني بشدة عشان بعمل عمليات تجميل وبلعب في نعمة ربنا وانا ماليش ذنب وتم استدراجي وبنصح كل الستات محدش يستدرجهم سواء مشاهير او غيره لازم تتحروا الدقة كويس جدا قبل ما تروحي لاي دكتور».