سارة نخلة: البريك بالنسبة للراجل انسحاب تكتيكي.. و٧٠٪ منهم مرجعوش تاني

وليدمحمد

تحدثت الفنانة ومقدمة البرامج عن فترة الاستراحة أو “البريك” في العلاقات العاطفية ومدى نجاحها قائلة: لما الراجل يطلب استراحة اعرفي انه بياخد انسحاب تكتيكي وعايز يجرب حاجات تانية ويشوف حاجات جديدة، وذلك خلال برنامج فيس أوف على شاشة قناة هي.
وأضافت: ٧٠ في المية من الرجالة علشان مقولش ٩٠ واظلمهم لما بيقرروا ياخدوا بريك بيبقوا عايزين يفكوا برا شوية ومرجعوش تاني، لكن لو طلب منك استراحة في علاقتكم خديه على أد عقله ومتكبريش الموضوع وشوفيه عايز يقول اية ويبرر ليكي ويمكن في حاجة مدايقاه، لو طلب استراحة كذا مرة سبيه يروح بس لما يرجع ميلاقكيش، سبيه ياخد استراحة ولو رجع خدي استراحتك”.
ومن جانبه قالت مدربة الحياة ديانا إبراهيم خلال مداخلة هاتفية في برنامج فيس أوف أن فترة الاستراحة مفيدة في العلاقات العاطفية بنسبة كبيرة والمدة المناسبة هي أسبوعين فقط مضيفة: “البريك بيسمحلنا نعرف قيمتنا عند بعض لكن البريك قبل الجواز دة معناه انه بيتهرب واحنا لسة متحطناش في ضغط دا مؤشر خطر”.
برنامج “ FACE OFF” تقدمه سارة نخلة عى شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.
https://fb.watch/lYKp7DZyr5/?mibextid=Nif5oz