صاحبة مبادرة “بطل يتيم” لفيس أوف: تامر حسني دعمني.. وسارة نخلة تناشد الجميع لدعم الأيتام في مصر

وليدمحمد
استضافت الفنانة ومقدمة البرامج سارة نخلة مؤسس مبادرة بطل يتيم “أميرة الكردي”، وهي مبادرة أهلية لدعم الأيتام وإسعاد قلوبهم من خلال دمجهم بنشاطات ترفيهية وتعليمية مختلفة ودعوتهم لمشاهدة فيلم “تاج” للفنان تامر حسني.
وأوضحت اميرة الكردي خلال برنامج فيس أوف على شاشة قناة “هي” عن سبب دعوة الأيتام لفيلم تاج حيث شاهدته وتأثرت بفكرة البطل اليتيم وإصراره على تحقيق حلمه قائلة: دخلت الفيلم زي أي حد بس تامر بيكون عنده رسالة ومن هنا جت الفكرة وقررت اخلي الأطفال الأيتام يتفرجوا على الفيلم دا في السينما”.
وكشفت الكردي عن دعم الفنان تامر حسني لفكرة المبادرة واستجابته لدعوة الايتام لمشاهدة فيلمه موضحة أن سبب المبادرة هو فيلم “تاج”، قائلة: بعت رسالة لتامر وقولتله مش عارفة هل رسالتي هتوصل ليك ولا لأ بس انت مثلت دور يتيم عايزاك تساعدني ادخل الفرحة على قلب ١٠ أو ١٢ يتيم نفسي ادخلهم الفيلم هما كمان عشان يعرفوا يبقوا زي قصتك في الفيلم قالي خليهم ٦٠ يتيم احنا كمان من حقنا نبسط الناس دي”.
وأوضحت الكردي هدف المبادرة: هدفي منبقاش مع الأيتام يوم واحد في السنة ولكن نبقى معاهم ال ٣٦٥ يوم ولو كل أم أو أب تابع طفل في اقرب دار أيتام يسألوا عليه ويطمنوا عليه هيحسوا ان ليهم قلب يخاف عليهم وهدفي ندور على الأيتام البعيدة اللي متعرفش طريق السينما وفي منهم كتير اوي مش في دور الأيتام”.

https://fb.watch/lYPcVqr87i/?mibextid=Nif5oz
https://fb.watch/lYPdP8xEB2/?mibextid=Nif5oz