من أكبر الجرائم اللي ممكن ترتكبها فى حق نفسك هي أنك تستمر في علاقة تدمرك نفسيا
تعرف ازاي ان العلاقة اللي انت فيها سامة
– لما تكون في علاقة و تلاقي نفسك باستمرار عندك احساس بانك قليل القيمة قدام الناس ومش واثق في نفسك كفاية
– لو دايما عندك مشاعر حزن و اكتئاب و مفيش اى طاقة للتفاعل و الكلام مع الطرف الثاني
– لو دايما الطرف الاخر بيقلب عليك الترابيزة و يطلعك غلطان فى كل مرة حتى الغلطات اللي هو بيعملها
– لو الطرف الآخر دايما بيتهمك بالتقصير في حقه مهما عملت مجهود و تنازلات عشان ترضيه
– لو الطبيعي انك بتديله كتيرررر ومش بتاخد الا قليل جدااا ومع ذلك حاسس انك مش كفاية فى نظره
– لو لقيت نفسك بتحاسب على كل كلمة و مش عارف تتكلم براحتك مع الطرف الآخر لانك بتتحاسب على الحرف و اي كلمة بتقلب خناقة
كل دي اشارات تدل على انك في علاقة سامة و مقلقة و محتاج تراجع نفسك و تفهم ازاي تتعامل او تنسحب من العلاقة دي بهدوء قبل ما تسببلك ضغط نفسي كبير أو توصلك للإكتئاب
افهم انت عايز ايه من العلاقة وراجع نفسك قبل ما تندم و تخسر أمانك و صحتك النفسية
