صحوا الصقور الحجون .. بقلم الكاتبة/ ياسمين مجدى شبعتم اكل ياعرب شبعتم حياة الترف والعيشة فى سلام شبعتم ذل و رضوخ واستسلام رضيتم واحنا اللى منهم الدم واحد ولسانا واحد وايمانا واحد تخلينا عنهم واللى غريب مش منهم مش عربي لكن بطل شجاع شد على اديهم رفض يكون ساكت وراضى وجرى يستنجد بالقاضى بكرة تدور الايام والديان ما بينام وإللى طبعتوا معاهم و جريتوا ورا رضاهم هيقلبوا عليكم التربيزة ده ملهمش غالى ولا عزيزة فوقوا قبل الاوان وصحوا الصقور الحجون تنهش بنى صهيون وارفعوا فى غزة الاذان انصروا طفل اعطوله حب وحنان وعاجز ضعيف اعطوله مسكن امان اتكلموا واعدلوا المايلة مبادئنا خلاص للسقوط آيلة صوتكم بيفرق والدنيا هتكون سمعاه وشاهد عليكم امام الله ونعوذ من خزى نعوذ من ضعف ده احنا ملايين وهما الف يلا بينا نتوحد و لرب العالمين نوعد هنكون سند حصن وتد لاخواتنا
