السيسي: لو حليت أزمة الدولار في مصر ولا يهمني أى حاجة تانية
السيسي: لو حليت أزمة الدولار في مصر ولا يهمني أى حاجة تانية
كتبت – رانيا البدرى
قال الرئيس عبد الفتاح السيسي: اللى اتعمل في بلدنا حرام يضيع مننا ، و ربنا سبحانه وتعالى أعاننا في ظل ظروف لا يمكن أبدا دولة زينا تعمل اللى عملته ، لأن عندنا اعداد كبيرة من الناس و الموارد محدودة و البعض يتصور أنها تكفي كل شيء و هذا غير صحيح.
و أضاف السيسي خلال لقائه عدد من المسؤولين و الإعلاميين خلال الاحتفال بعيد الشرطة ، أن مصر زادت اليوم 26 مليون من 2011 للنهاردة ، طيب هل دة رقم ملوش تأثير أو مطالب في كل شيء ، و اللى بقولوا الأول يا ترى هل هى كانت أزمة أولويات ؟ لاء … بس أنا بتكلم كراصد لرأى عام في مصر و قدرته على التحمل بعد فترة صعبة ، كان فى حالة احباط كبيرة وتفجيرات في كل مكان ، و الناس حسة البلد بتضيع ، فأنت كنت عايز تقفز بيهم من حالة الإحباط و عدم الثقة لحالة تانية
و تابع : الأمور كانت تسير بشكل جيد حتى 2020 و كان النمو أكثر من 6% و ليس ذلك لفئة أو طبقة معينة و إنما لكتلة الناس التي تستهدفها اللى هو الغلبان و الحكومة دايما عينها عليه .
و أضاف: خلوا بالكم لو حليت أزمة الدولار في مصر ولا يهمني أى حاجة تانية ، و الأزمة دى إيجابياتها حاجه واحده بس و هى فرض الحل علينا و إننا لازم نحل مسألة الدولار بشكل نهائي ، و المطلوب في فترة زمنية قصيرة نصل بمعدلات تصديرنا و التصنيع داخل مصر يخلى حجم الدولار المتاح بشكل طبيعي و يكفي الانفاق على الاستيراد.
