مباريات شهر ابريل نقطه مفصليه في الموسم الحالي للنادي الأهلي.

وليدمحمد

مباراه مهمه جدا جدا جدا قدام الزمالك في الدوري يوم الاثنين .

الزمالك اللي بدا يشم نفسه بقاله كام مباراه مع جوميز وبيأدي بشكل جيد معاه .

الفوز علي الزمالك كالعاده في الوقت ده مش رفاهيه نهائي ولكنه شي مطلوب لسببين :

الاول انك تثبت للكل أن اللي حصل ده مجرد هبوط عادي من ضغط أو سوء اختيار لبعض اللاعبين في التشكيله .

الثاني بقي وده الاهم هو بث الشك في مستوي خصمك الحقيقي وأنه لسه بدري قوي عليه عشان يقدر يجاري النادي الاهلي .

مبارتين في افريقيا في دور نصف النهائي قدام خصم مش سهل تماما اسمه مازيمبي وخصوصا علي ملعبه .

كولر قدام اختبار هو الاقوي والاصعب منذ توليه المسؤوليه وبفوزه في الثلاث مباريات دول أداء ونتيجه هيثبت للكل واولهم انا ان اللي حصل الفتره اللي فاتت مجرد كبوه .

تصحيح المسار لكولر وعوده الثقه فيه هتكون في شهر ابريل إن شاء الله