(ملاك طيب) .. للشاعر إيهاب البعبولى
(ملاك طيب) .. للشاعر إيهاب البعبولى
الشاعر / إيهاب البعبولى (مصر)
وتغلط تاني ونسامح
وسيفك بالكلام دابح
وإنتا بكرة و امبارح
وآسف م أنا الغلطان
…………………
وعارف لوغلطت مسامح
و آسف لوحزنت مسامح
وحتي لو طعنت مسامح
وأسيىر حبك أنا و غلبان
………………….
و لو أعرف ليه بحبك موت
وفي بعدك ياما كنت بموت
وتاهت روحي في الملكوت
لكام ذكري من ليالي زمان
…………….
وردك كان كتير جارح
وظنك كان أكيد دابح
وكل يوم حزين سارح
باحضن همي والأحزان
……………..
و كتيرعايش أنا مظلوم
وقلبي كله أسى وهموم
وطول عمري كنت كتوم
وعايش في توب إنسان
………………
صحيح ممكن أكون حساس
وراعي الطيبة و الإحساس
و يمكن حبيبي أعز الناس
ضحية كدبي و أنا الشيطان
…………………
مسامحك وبادعي دوم ربي
يسامحك ويمحي من ذنبي
مكتوبي وقدري في دربي
يكون حبك ليا شط أمان
……………
وعندي كل الصعب يهون
وعمري يوم ماكنت بخون
وقلبي في الهوى مجنون
وعشقي طاقة من إيمان
…………………….
و للعشرة و عهدي بصون
وكتير طيب وقلبي حنون
وف عشقي هوس وجنون
ملاك طيب ف ثوب إنسان
