حسام حسن يكشف حقيقة أزمته مع محمد صلاح بعد توليه تدريب المنتخب

كشف حسام حسن المدير الفني لمنتخب مصر حقيقة وجود أزمة مع محمد صلاح قائد المنتخب.

وأكد حسام حسن خلال حديثه بالمؤتمر الصحفي الخاص بمباراة بوركينا فاسو: «كان فيه تخيلات وكان في ناس بتحاول تزرع في عقول الناس إن فيه مشكلة، طبيعي نجم كبير موجود، وفيه جهاز وطني بيحترمه وبيحترم جميع اللاعبين والأمر ده خد وقت طويل جدًا وخدنا من وقتنا بأمور مش مظبوطة بلدنا أكبر من الجميع ولكن الأمور دي كنت بعديها».

وتابع: «أنا سعيد بمحمد صلاح جدًا وقيادته للمنتخب اللاعبين بتحبه جدًا وإن شاء الله هتشوفوا محمد صلاح زي ما بتشوفوه خارج مصر هو عنده إصرار إنه يعمل حاجه كبيرة للمنتخب».

ويواجه المنتخب الوطني بوركينا فاسو غدًا في الجولة الثالثة من تصفيات إفريقيا المؤهلة لكأس العالم.