مى عز الدين : سعيدة بنجاح مسرحية زواج اصطناعي

كتبت -رانيا البدرى

أعربت الفنانة مي عز الدين، عن سعادتها بنجاح مسرحيتها زواج اصطناعي، التي يتم عرضها في المملكة العربية السعودية، للمرة الثانية.

وقالت مي عز الدين، في تصريحات إذاعية: زواج اصطناعي كانت أول مسرحية ليا، أنا بمثل بقالي 25 سنة ولكن دي أول مرة أقف على خشبة المسرح، سبحان الله أنا حبيت المسرح أوي، والزملاء والنجوم اللي معايا كواليسهم حلوة وروحهم حلوة ومتعاونين جدًا، التجربة كانت ناجحة أوي وأنا سعيدة بتكرارها زي دلوقتي، والجمهور استقباله عظيم ودي حاجة خلتني أحب أشتغل مسرح تاني.

وعن معايير اختيارها لأدوارها، قالت: بقرأ الورق وغصب عني بحس إن الشخصية خدتني وبتخيل شكلي فيها، وأول ما بيحصل كده أنا باخد الدور على طول وبذاكر الشخصية أوي بحس بيها وبظروفها، الورق هو اللي بيشجع الممثل. وتحدثت عن علاقتها بالسوشيال ميديا: علاقتي بالسوشيال ميديا قليلة، كنت منقطعة في توقيت معين، وبعدين رجعت ولكن وسط، وده أحسن حاجة، لا يوميًا بشكل زائد حلو ولا الانقطاع حلو