الكابتن محمد نبيل: قصة تحدي وإلهام

الكابتن محمد نبيل: قصة تحدي وإلهام

كتب ـ العارف بالله طلعت:

بالإصرار والعزيمة، بنشوف أبطال بيتفوقوا في كل حاجة. طاقة إيجابية موجودة على أرض الواقع، وبيقول الكابتن محمد نبيل لنفسه وللناس: “عزيمتي قوية، ومش هستسلم.”
في فبراير 2023، واجه الكابتن محمد نبيل اختبار صعب لبترت رجله بسبب مرض السكر. قضى سبعة شهور في اختبار حقيقي لعزيمته وصبره، لكنه قال لنفسه: “إعاقتي مش هتهزمني.” ورجع بعد غياب سبعة شهور، ليبقى رمز للتحدي والصمود، وملهم لكل محبي الغوص ولأي حد عايز يحقق أحلامه. وبتصريح وشهادة من الأطباء لممارسة الغوص عادا ليكون للقصة عنوان محمد نبيل
بطل ذوي الهمم في الاعماق

اتعلم تدريب الغوص على يد الكابتن حسن الطيب، مدرب المدربين، اللي يعتبر مثال مشرف لمصر والعالم في المجال ده، لأنه بيدرس على أعلى مستوى من الشرح النظري والتدريب العملي.
الكابتن محمد نبيل، معلم غوص وغطس، مش بس لذوي الهمم، لكن لكل عشاق الغوص. هو نموذج حقيقي للتحدي، وهدفه رفع علم مصر في موسوعة جينيس للأرقام القياسية، عشان يحصل على لقب مدرب غطس عالمي على مستوى العالم لذوي الاحتياجات الخاصة.
على شاطئ الغردقة، وبعكازه اللي مش بيفارقه خالص ، بيشرح الكابتن محمد نبيل للمتدربين، سواء مصريين أو أجانب، بأسلوب احترافي ومميز.
الكابتن محمد نبيل حاصل على الاولى ثم النجمة الثانية من منظمة ساميس للاتحاد المصري للغوص، وبيمثل بلده بكل فخر في المحافل الدولية.
الكابتن محمد نبيل بيدرب المتدربين على عمق 20 متر، وعشان تاخد رخصة النجمة الأولى منه ، لازم تعمل خمس غطسات تحت إشرافه تبدأ من حمام السباحة و أربع غطسات في عمق البحر على بعد 20متر . كل إللي اتعلموا على إيده بيشهدوا له بالاحترافية والثبات في كل مرة.

بدأ الكابتن محمد نبيل مشواره في عالم الغوص من 17 سنة، واتعلم وتدرب لحد ما وصل للأرقام القياسية في الغطس والتدريب وهو دايمًا بيشكر كل اللي ساعدوه في مشواره، وبيعبّر عن امتنانه لمدربه.

الكابتن محمد نبيل في وقتنا ده أصبح وجهة سياحية كبيره جدا لتعليم الغوص، وبيستقبل سياح كتير جايين لمصر عشان يتعلموا على إيده.

كل انسان يتمنى الكل يدعمه عشان مجهوده وده وقتنا كلنا ندعم ابن بلدنا، الكابتن محمد نبيل، اللي بيحاول يحقق حلمه في موسوعة جينيس للأرقام القياسية. هو يستحق كل الدعم عشان يوصل لحلمه. هو إنسان بيحب الحياة وطموحه كبير ، وحقق أرقام قياسية في الغوص وتدريبه. عشان كده مرشح لموسوعة جينس للأرقام القياسية عشان يحصل على لقب مدرب غطس عالمي على مستوى العالم من ذوي الاحتياجات الخاصة.

الكابتن محمد نبيل نموذج لكل إنسان عنده هدف أو حلم في الصمود والتحدي. يلا ندعمه كلنا عشان يحقق الإنجاز اللي بيحلم بيه. ادعموا الكابتن من خلال صفحته على الفيس بوك