متتعشمش من خواطر الكاتبة والأديبه نشوي شبانة
متتعشمش
ف القلب الى كان بيقول انا روحك
وكان بيغير من الحرف ومن بوحك
متتعشمش
ف وعود اتقالت وقلوب قال هتنول
من بعد صبر وعزاب هيطول
متتعشمش
انا حرفى هنا كرباج
وسيف الحق لما احتاج
ومعرفش ف حياتى الوان
ولا بكدب وااقول الحان
ولا بوعد وقلبى خان
ولا بمشى واقول يا زمان
ولا مغرور ولا لابس توب غير توبى واعيش جبان
متتعشمش
على الشوق الى كان بركان
وحبى ليك وتجلدنى وانا ف حضنك وااقول كمان
واصرخ بصوتى وااقولك بحبك فوق لو انسان
متتعشمش
اسامح واغفر. بعد. كل شىءما بان
وقلبى الطيب اتهان
وعشت الشك والحيره واعاتب نفسى وااقول غلبان
متتعشمش
بعد سماحى وصفا قلبى
وعشت ف نار وشك كان بيقتلنى
وااقول روحى وانا عشقاه
وعشان بحبه انا مسمحاه
وارجع بالشوق وياه
وميت فرصه ورا فرصه
وبيهينى بدون رحمه
وانا عايشه بصفا وياه
رميت احلامى ورايا
وامنت بيه فارس الحكايه
رميت ضنايا يا قسوه الروايا
وعشت مقسومه نصين
ما بين قلبى وقلبى فين
ولما ازعل يثور حرفى
وانا مملكش غير نفسى
وكانت نفسى فدا نفسه
نفاق وغش والف وش
وينعتنى ويجبرنى ويوجعنى
ومطلوب منى متالمش
متتعشمش
كتير كنت انا بسامح
واعدى وااقول بتحبيه
وناس حوليا نصحونى
امشى وسيبيه
ااقول حباه واتمنى اعيش وياه
وانسيه وامحى كل ماضيه
وارجع تانى من تانى
اعيش ف عذاب الشك والحيره من الى سمعته بودانى وقتل حبى وازانى
ولا قادره اكمل واعيش مسمعش ولا قادره اغير فيه تاريخ من االاصل
متتعشمش
انا البنت ال. كانت ليك
بعت عمرى واشتريك
انا امك وف حضنى كنت اضمك واراضيك
انا الروح الى كان نفسى هنا يرويك
وكانت ريحتى بتسرك
وكان حضنى بيغفرلك
انا الى اديت بدون حساب
طلعت رخيصه ف الاخر بدون اسباب
وده ذنبى انى مش للبيع
متتعشمش
كلامك اصله جرحنى
وافعالك بتدبحنى
وانا سيبتك وانا راضيه
وقرارى ليك ضربه قاضيه
او حتى ولا فارق معاك
صفحه من ضمن الصفحات
حلم زايف كان ومات
الحياه بصدق وامان
افضل م زيف ف صوره حنان
متتعشمش
ضيعتتى من بين ايديك
كنت دنيا جميله ليك
وقلتهالك مع السلامه
رافضه اعيش وياك مهانه
انا اتربيت عالامانه
معرفش احيد عنها يوم
لو لقيت عليا اللوم
متتعشمش
خاطرتى نشوه شبانه
