د/ لبنى يونس تكتب: السكن
لما تشتري بيت اتاكد كويس
أنه سليم من جوة و أنه اتبني صح وبلاش يغرك شكله من بره …
واتأكد أن السكان القدام مادمروش أساس البيت ده ،
أو خربوا اهم اجزاء فيه ،
وتضطر انت بعد ما تكون خلاص اشتريت و لبست فيه ،
تتحمل التكلفة وإعادة ترميم ما تم تخريبه وهدمه من الداخل
وتضيع وقتك ومجهودك وطاقتك ،
وفي الاخير يقع علي دماغك ،
والناس للاسف تتهمك انت
انك كنت السبب ،
وانك قصرت ،
مايعرفوش بذلت مجهود اد ايه في إصلاح وإعادة بناء البيت ده ،
من الاخر ،،،،،،
انت اللي شلت الليله كلها عشان كان اختيارك من الاول غلط ،
اختاروا السكن الصح والبيوت السليمه .
عشان لو اتهدت علي دماغكم ماحدش هايرحمكم …
ومش بس كده دي كمان بتاخد معاها أرواحكم ….
واكيد المقصود مش بس البيوت
