أخر الأخبار
💥 عند الله شهيد 💥 إيناس فوزى
💥 عند الله شهيد 💥
إيناس فوزى
الليل يطول ،
و حلمي بين إيديه
الليل يطول ،
و فكري كله ليه
الليل يطول ،
و هو فين لو يسمعني
الليل يطول …
كان نفسي لو يودعني
خرج ما قاللي رايح فين
خرج و فاتلي شوق و حنين
و لما غاب .. زاد العذاب ،
و فكري تاه
، و قلبي داب
نزلت بين الناس
أنادي بين الناس
و سمعت ألف أه
بصوت ضعيف حساس
أه بتناديلي ،
و تقوللي قربيلي
أنا عنك مش بعيد
أنا عند الله شهيد
وقفت بين الناس ..
قالولي و أكدولي
خلاص دا راح بعيد
و عند الله شهيد
و مش راح اشوف عينيه
غير بس في الأحلام
صليت و غمضت جفوني
لاجل تنام عيوني ،
و يجيني في الأحلام
في الحلم جاني
، و عيونه كانت مفرحاني
شوفته أمير
لابس حرير
راكب جواد أبيض جميل
و لما قولتله طمني
قاللي انا مش بعيد
أنا عند الله شهيد
أصحى و انام في الجنة
بعمر جديد مديد
بقلمي ،
الشاعرة
🎀إيناس فوزي 🎀
ديوان
💕 سفير الحب 💕
