طعنه القريب لا تكسرني

كتبتها د/ماهي احمد
خيانة القريب… جرح لا يشبه غيره
الخيانة وجع، لكن لما تيجي من أقرب الناس لينا بتكون صدمة زلزال بيهز كل حاجة جوانا. إحنا دايمًا بنتوقع إن الغرباء ممكن يخذلونا، لكن لما ييجي الغدر من شخص كنا معتبرينه سند وأمان، وقتها مش بس بنخسر العلاقة، إحنا بنخسر جزء من نفسنا.
اللي بيوجع مش الموقف في حد ذاته، لكن إنك كنت فاكر الشخص ده يعرف قيمتك، فاكر إنه حارس لأسرارك، فاكر إنه هيقف في صفك مهما حصل. وفجأة تكتشف إن اللي كنت شايله في قلبك سنين طويلة، كان شايللك عكسه تمامًا.
الخيانة من القريب مش بس بتكسر القلب، هي كمان بتزرع جواك شك في كل الناس. بتخليك تسأل نفسك: “هو أنا غلطت لما صدقت؟ هو مفيش حد يستاهل الأمان؟”. لكن الحقيقة إن غلطتك مش إنك وثقت، غلطتك الوحيدة إنك افتكرت كل الناس زيك.
مع الوقت بنفهم إن الخيانة مش عيب فينا، دي عيب في اللي خان. الشخص اللي يخون حد من قرايبه مش بس بيخسر ثقة، هو بيخسر نفسه وكرامته. يمكن إحنا نتألم، لكن اللي باع القرب مش هيلاقي أبدًا نفس الطمأنينة اللي خسرها.
وأكتر حاجة ممكن تعملها بعد صدمة زي دي إنك ترفض تسيبها تكسرك. اسمح لنفسك تعيط، تتألم، وتاخد وقتك في المواجهة، لكن في الآخر قوم. لأن الخيانة مهما كانت قوية، مش أقوى من قلب قرر يكمّل حياته وهو أصدق وأنقى.
في النهاية، خيانة القريب بتوجع ضعف أي خيانة تانية، لكنها كمان بتعلمنا درس عمر: متديش قلبك لحد