علامة تعجب‼️

كتبت / دعاء جلال

هو احنا ازاي وصلنا لكدا !!!!! كيس شيبسي أصبح ترند !!!
#ترند فتاة كيس الشيبسي !!!!!!!
كانت أمي زمان بتعلمني لو لقيت لقمة او نعمة في الشارع اوطي اجيبها علشان احطها علي جمب ومحدش يدوس علي النعمة .، علمتني لو لقيت حد كبير واقف في مواصله اقوم واقعده مهما كنت تعبانه .، علمتني أن قبل ما اطلب طلب استأذن ويبقي عندي دم وتقدير لكل الظروف .، علمتني احترم الكبير واعطف علي الصغير والضعيف و أبداً مستقواش عليه علمتني الخير والرحمه علمتي مكولش قدام جعان ولا اتباهي بنعمة قدام محروم .، علمتني أني أكون مسؤله واعرف أن زي ما ليا حقوق عليا واجبات واعرف ان زي ما فيه يوم حلو لازم يكون في ايام وحشه علمتني الصبر والحق اللي ليا واللي عليا .. علمتني اما اكون مش غلطانة معتذرش لو علي رقبتي واما اغلط اقول انا غلط واتعلمت من غلطتي واني من حقي اغلط علشان انا بشر مش ملاك وكمان علمتني اما اقدر أعفي …….،. علمتني حاجات كتييير المفروض انها بديهيات كنت بشوف معظم اللي حولينا بيعملوها في بيتنا في عيلتنا وفي شارعنا وبلدنا … دلوقتي مليون علامة تعجب اما نشوف دا بيحصل او نشوف حد بيعمله ونستغرب ونندهش لا دا كمان دلوقتي بقت بطوله وترند عمري ما كنت اتخيل ان في وقت من الاوقات دا ممكن يكون النادر الغريب !!!! لا يا جماعه احنا كلنا اتربينا كدا .، اهلنا كدا شوفنا بعنينا كدا بلاش تصدقوا ان اللي بيصدرهلكم الترند دا الصح لاء دا اللي عاوزينه يوصل للناس عننا ويبقي المجتمع هو النسخ الغريبة اللي علي تيك توك ويطلع جيل شايل ربع شعره والباقي صابغ بلون صبغة رديئه ولبس ملغبط وطريقة واسلوب مش شبهنا كشعب لاء مش شبه عيلته هو اصلاً نسخ مستهتره شبه بعض و هو دا الترند والموضة و يقولولك بكل فخر احنا ال GZ لمرحلة ان لما طفلة جميلة رقيقة بسيطة تعمل تصرف عفوى طبيعي يبقي ترند !!!!! لا بجد هو احنا وصلنا هنا ازاي؟؟؟!!!!
وليه ساكتين علي كدا .، شجعوا الايجابيات بس اما يكون حدث ،، قيمة غريبة عننا أو جديدة علينا فنحاول نسلط الضوء عليها بلاش نقتل تراثنا واصالتنا .، لا تطمثوا هويتنا ارجوكم ….. الأيثار رحمة ومحبه ودين وخُلق حَسن بس قبلها تربيه شفناها في بيت أهلنا وشارعنا و بلدنا ..
بنعملها بطريقة اتوماتك . ربوا اولادكم ارجوكم خلوهم كلهم فتاة كيس الشيبسي بلاش تبقي GZ الحباة هتبقي افضل صدقوني مش هنلاقي نصكم يسأل نعمل ايه مع اولادنا “مش قادرين عليهم ” خلينا نربي اولادنا من خلال تربيتنا لنفسنا أهم كتير من الترند 👌🏻 شكراً هايدي علشان أنتي طيبة وجميلة جداً وسط كل هذا القبح المخجل المشين .. صدقيني أنتي أكبر بكتير من الترند ،،. شكراً لأم هايدي ووالد هايدي شكراً لمن تمسك ان يربي نفسة أولا ليكون نموذج تربوى مؤثر ربي وعلم الاخلاق والقيم بهذه الرحمة والطيبة وعلي فكرة شكراً جداً لأي ترند ممكن يفكرنا بهويتنا اللي بجد 👌🏻
– [ ] ملحوظة
* جيل زد (Gen Z):
* يشير إلى الجيل الذي وُلد تقريباً بين عامي 1997 و 2012.
* يُعرفون بأنهم أول جيل لم يعرف الحياة قبل الهواتف الذكية ووسائل التواصل الاجتماعي، مما يجعل العالم الرقمي جزءًا أساسيًا من حياتهم.
* يتميزون بقدرتهم على استخدام التقنيات الرقمية المتنوعة وهم مستهلكون مستقلون وذوو مطالب مرتفعة.
*
أستشاري الصحة النفسية والعلاج النفسي
#دعاءجلال