الحبس سنتين والغرامة للبلوجر فادي تاتو بتهمة نشر فيديوهات خادشة للحياء

وأضاف المتهم أمام جهات التحقيق: “حساباتي على فيسبوك وإنستجرام وتيك توك موجودة من قبل ما أشتغل في مجال التاتو، وبدأت أنشر عليها أعمالي بعد دخولي في المجال. وشغال رسام تاتو من 4 سنين. في البداية كنت شغال مع واحد، وبعدها أجرت محل من حوالي 5 شهور في شارع علي الصعيدي المتفرع من الترعة البولاقية بشبرا مصر، بإيجار شهري 2000 جنيه، وكنت وما زلت في مرحلة استخراج التصاريح.”

وتابع المتهم: “دخلي الشهري حوالي 4000 جنيه، ومصاريفي 2000 جنيه، ومعايا موتوسيكل وده كل ممتلكاتي. ومعايا حساب في البريد فرع شبرا فيه 100 ألف جنيه ووالدتي هي اللي حطاهم، ومعايا محفظة إلكترونية. وحساباتي عليها آلاف المتابعين على السوشيال ميديا، والمتابعين مش حقيقيين، فيه ناس بتشتري متابعين.”

وقال المتهم: “المحتوى اللي بنشره يتضمن صورًا لزبائني بعد رسم التاتو، وبجيب أحيانًا صور وفيديوهات من النت وبحطها على صفحتي، والبنات دول زبايني، وبيبقوا عارفين إن الصور ممكن تنزل على النت. ولو حد بيرفض مش بصوره ولا بنزل صوره.”

وأثبتت التحريات وجود حسابات له على إنستجرام باسم “فادي تاتو” به 79 ألف متابع منذ 2018، وعلى فيسبوك بنفس الاسم منذ 2016، بالإضافة إلى حسابه على تيك توك بعدد 31 ألف متابع. وأقر المتهم بأنها جميعًا حساباته، وأنه يُعرف باسم الشهرة “فادي تاتو”.