أخر الأخبار
واااه يا قلبي شعر/سكينة الصولي
واااه يا قلبي
شعر/سكينة الصولي
ياقلبي أه ياخسارة
شمتّ الجار والجارة
تاعبنى من البداية
ماتقوللى ايه الحكاية
ليه انت والغلب ورايا
ياقلبي حرام ٠٠ كفاية
أحزان وهموم كتيرة
والقصة بقت كبيرة
ودموعى فوق الخدود
مش لاقيةلحزنى حدود
بكفاية ٠٠ خليك ودود
خلصنا من دى رواية
ليه انت والغلب ورايا
ياقلبي حرام كفاية
أروح لفين يادنيا
والحزن ده ملازمنى
مافايتنى ولاحتى ثانية
وقلبي ع الغلب عازمنى
مش لاقية بر٠٠ تانى
طول عيشتى ليه بأعانى ٠٠
ياقلبي دايما”أنانى
وانت والغلب ورايا
ياقلبي حرام كفاية
يافرح أرجوك تهاود
وبلاش تبعد وتعاند
خليني أعيش لى يومين ٠٠
أروى عطش السنين
يازمانى أروح لمين
لحل يرجع لى هنايا
والكل يفرح ٠٠ معايا
وياقلبي خلاص كفاية
