نهاية قصيدة إنصراف من ديوان أغاني النوٌساني
متابعة : نجار ابو عامر
بقي ليكو عين بتبجحوا.؟*
يا مَن بقالكو سنين طويله
علي الأصيله بتنبحوا *
بِتناحوا فيها
و تِهينوا فيها
و تِبيعوا فيها…..
و العجاج إن جِه و زارها
تزغرتوله و تفرحوا *
و تكبروا مع كل كبوٌه
و كل عَتره و كل قول
حبة صداع….
و بتستعيذوا من صباحها
و من صلاحها
و من فَلاحها….
و من الولاد لوٌ ينجحوا *
يا موٌكوسين….*
مش هي دي مصر
اللي ربِت و اللي طبِت
و اللي حَبِت…
و ف خير ترابها
يا وباء و نابها…..
قاعدين تِلٌغُوا و تِطفحوا *؟
كنتوا إتنصفتوا ف أي
حاجه و كان ف إيدكم
كل حاجه…..
أو هان عليكم تِفلحوا ؟*
مش مشيتم ف السياسه
و ف الرياسه يا ناس
نجاسه….
و يادوب مشيتوا تكحكحوا *
و لعِلمكم….*
حُكمكُم كان ماشي زق
و كله نطح و كله بطح
و حاجه أشبه بالفَلَس *
حتي الربيع اللي مابيننٌا
و كان لامِمِنا ف سِكه
واحده دِيك النهار…
ف عشان غباءُكم قد خُلص
و إكتشَفنا ف النهايه
إن إنتوا أصلاً م البدايه..
فاشلين يا إخوٌه و بالثُلُث *
