“الاختيار 3” الحلقة 17.. تسريب جديد للشاطر والمعزول عن تحالفات التيارات الإسلامية

في تسجيل جديد بمسلسل الاختيار3، عرض لقاء جمع بين خيرت الشاطر والرئيس المعزول محمد مرسي، يتحدثان من خلاله عن فكرة التحالف بين التيارات الإسلامية.

خيرت الشاطر: يعني هما دلوقتي قالوا بمنتهى الوضوح مفيش حاجة اسمها تحالف بين الإخوان والنور، دا مرفوض وهيعملنا مشكلة كبيرة في مصر، استقطاب الإسلاميين وغير الإسلاميين.

دلوقتي إحنا نتبنى مبادرة تيار وائتلاف واسع جدًا، فيه كل من يرغب بالانضمام له ممن مثل في مجلس الشعب، وانتوا هتبقوا موجودين جوا هذا الكيان أهلًا وسهلا، متجيش تقولي لا ده الوفد علماني تقولي ده الكتلة مش عارف ايه.

كانوا من الأول قبل الانتخابات رافضين ده وإزاي خرجوا من التحالف السياسي وده علشان الوفد.

مرسي: عملوا بالنصيحة أوي، فراحوا نيلوها الناحية التانية.

خيرت: على فكرة دا محمد نور بيشتغل لوحده.

مرسي: محمد نور جه قعد جنب عماد وهو قاعد معايا، وعماد كان يقولي ملوش دعوة محمد نور.

خيرت: قالوا كلام كويس في القعدة اللي حضرها عماد أنا عرفت جاتله معلومات أكيد.

مرسي: محمد نور قالي قبل كدا أنا وهشام مصطفى كنّا بنشتغل في تنظيم قبل كده، كنّا بنتعامل مع أمن الدولة بس أنا بطلت مش عارف هشام بطل ولا لأ، وعلى فكرة متجوز أجنبية.

مرسي: يعني أنا الكلام منستهوش من شهرين وبعدين عمال يلعب في كل حاجة محمد نور.

خيرت الشاطر:هو بيلعب صح.. بس هم يعني حتى المؤتمر الأخير اللي عامله ده هو راح حضر ده لوحده.
مرسي: ده عاملين هيئة عشان مراقبة البرلمان يا بشمهندس ده شغل جنان رسمي.

خيرت الشاطر: محمد نور وعصام سلطان ومجموعة من الأفراد لأ والمصريين الأحرار.