أخر الأخبار
نداء مسحراتى، كلمات الشاعره. قدريه مصطفي
نداء مسحراتى
كلمات الشاعره / قدريه مصطفي
ماشي بنور الفجر فوق الحارات
وصوته دقّات بتصحّي السكات🎋
طبلة قديمة🥁 بس فيها حياة
تجمع قلوب الناس بعد الشتات♥️
🌟خطوته ذكرى من سنين فاتت
وكل نغمة حكاية وحكايات
بين البيوت يرمي سلامات👋🏻
ويصحّي في الروح ألف صلاة
يا نايم وحد الله…🤲🏻 نغمات
تغسل وجع القلب والآهات🎊
صوته حنين زي الدعوات🤲🏻
يدخل قلوبنا♥️ من غير بوابات
رمضان ييجي…🎊 والنور يبات
في صوت رجل عاش بالبركات🥁
يمشي بسيط… لكن في الثبات
حارس سكون الليل والنيات🪘
،ده مش مسحراتي🥁 بس وخلاص
ده صوت زمن لسه ما مات🧍🏻
لو غاب يوم… تسكت الحارات
ويفضل صداه عايش في الذكريات✍️
