بوح الوقت
بوح الوقت
بقلم الشاعرة والأديبة / قدريه مصطفى
يا وقت مَهّل شوية… القلب تايه ومجروح
بنجري وراك سنين… ونرجع نحضن في الجروح
الدقايق بتفلت… زي الرمل من الإيدين
والحلم واقف بعيد… بين الأنين والحنين
أمبارح كان لسه… ضحكته مالية العيون
والنهارده سايبنا… تايهين في ألف ظنون
بنبني في الهوا قصور… ونقول دي هتعيش لينا
وييجي الهوا في ثانية… يهد اللي بنيناه بإيدينا
يا وقت هو إحنا… بنمشيك ولا بتسوق؟
ولا إحنا لعبة في إيدك… تاخدنا لفوق وتفوق؟
تسرق من العمر لحظة… ونقول لسه بدري
ونفوق على سنين… عدّت وسابتنا بدري
العمر مش بعدّاد… ولا بالأيام بيتقاس
ده بقلب كان صادق… ولا عاش تايه وخلاص
