القيادة ليست منصبا. القيادة تأثير ووعى

كتير ناس بتفتكر إن القيادة معناها إنك تدي أوامر وتتابع الشغل لكن الحقيقة مختلفة تمامًا القائد الحقيقي هو الشخص اللي يعرف يكسب ثقة الناس ويحمسهم يشتغلوا وهم مقتنعين بالهدف مش لمجرد تنفيذ التعليمات

يجب أن نعلم أي فريق محتاج يعرف هو رايح فين وليه بيعمل اللي بيعمله دور القائد إنه يرسم الصورة دي بشكل بسيط وواضح ويخلي كل فرد فاهم دوره وإزاي مساهمته بتفرق في النتيجة النهائية وكل ما كان التواصل صريح وواضح كل ما الفريق اشتغل بثقة أكبرالقيادة مش قوة شخصية وبس لكنها كمان فهم للمشاعر والظروف. لما تسمع لفريقك وتقدّر تعبهم وتتعامل مع الضغوط بهدوء هتخلق بيئة فيها احترام وتعاون والناس هتبقى عندها رغبة إنها تقدم أفضل ما عندها من أكبر أخطاء بعض القادة إنهم يحاولوا يمسكوا كل التفاصيل القائد الشاطر بيعرف يوزع المسؤوليات على الأشخاص المناسبين ويديهم المساحة إنهم يشتغلوا ويجربوا ويتعلموا الثقة اللي بتديها لفريقك بترجعلك في صورة التزام وإبداع ونتائج أفضل

العمل دائما بيتغير باستمرار والظروف مش دايمًا بتمشي زي كما هو مخطط لها علشان كده القائد الناجح هو اللي يعرف يتأقلم بسرعةويلاقي حلول عمليةوياخد القرار المناسب في الوقت المناسب من غير تردد مع المحافظة على هدوء الفريق وتركيزه

الناس بتتعلم من الأفعال أكتر من الكلام لما يشوفوك ملتزم بتحترم وقتك وبتتحمل مسؤولية قراراتك كقائد هتلاقيهم بيعملوا نفس الشيء تلقائيًا القيادة الحقيقية بتبدأ من سلوكك قبل أي تعليمات أو اجتماعات

فى النهاية القيادة رحلة مستمرة مش مهارة بتكتسبها مرة واحدة كل يوم فرصة إنك تطور طريقة تعاملك وتحسن تواصلك وتبني ثقة أكبر مع فريقك ولما تقدر تجمع بين الرؤية الواضحة والتواصل الجيد والثقة والمرونة بتلك الطريقة هتقدر تقود أي فريق نحو النجاح وتقدر تحقق نتائج تفتخر بيها وتترك الأثر الدائم لخلق قادة من بعدك تعلموا منك كن دائما نبراس وقدوة للتعلم فتجد على المدى البعيد من يذكرك كمعلم وقدوة يفتخر بها

بقلم م/ عمرو شرف