خواطر من الأعماق : لفوزية أبو زكرى
أوقات بتلاقي دموعك نازلة من غير متحس …
ساعتها بتكون حاسس بالخنقة و انك نفسك تعيط
و انت اصلا مش عارف ليه مع ان مبيكونش في سبب
مباشر في اللحظة دي للعياط ….
انت بس بتكون حاسس انك تعبان
وانك شايل جبل علي قلبك ..
بس لو فكرت بينك و بين نفسك
عن اسباب عياطك
ساعتها مش هتعرف انت بتعيط علي ايه بالتحديد ..
لان اسباب وجعك كتير ف بتوه بينهم
…. ساعتها بتبطل تفكير
و بتفضل تعيط و بس
لغايه ما تطلع كل الى جواك
كل الحزن و الالم اللي فاضت بيه عيونك ..
بعدها بترتاح شوية ..
اه هي بتكون راحة مؤقتة بس
ع الاقل بتفضي مكان جواك شوية عشان تقدر تشيل
و تعدي اللي جاي ..
بجد ربنا يهونها علي كل قلب شايل جواه حاجات مش
قادر يكتمها ولا قادر حتى يحكيها
…زوزو… فوزية
