زيزو يعتذر لجماهير الزمالك عن ركلة الجزاء المهدرة أمام بيراميدز

وجه أحمد مصطفى “زيزو” لاعب فريق الكرة الأول بنادي الزمالك رسالة خاصة عبر حسابه الرسمي على “إنستجرام” بعد مشاركته في خسارة فريقه أمام بيراميدز بركلات الترجيح في نصف نهائي كأس مصر 2021 – 2022.

وأهدر زيزو ركلة الترجيح الأولى للزمالك، بعدما سددها على طريقة “بانينكا” ولكن أحمد الشناوي حارس بيراميدز تصدى لها بنجاح.

وكتب زيزو عبر حسابه الرسمي على موقع التواصل الاجتماعي “إنستجرام”: “أولا الحمد لله وقدر الله وما شاء فعل، زي ما بتبقى مبسوط بالدعم والحب والمساندة لازم كمان تتقبل الوجه الآخر السيئ وهي دي ضريبة الحياة والمسؤولية تقدر تخليك في يوم أحسن واحد في الدنيا وتقدر تخلي الناس تنسى كل حاجة أنت ممكن تكون عملتها، عشان كده واجب عليا في المواقف والظروف دي أعتذر”.

واختتم حديثه قائلا: “عمري ما عرفت أهرب ولا أستخبى من أي حاجة ولا عمري هعمل كده تقبل أو ترفض دا من حقك ولكن كان واجب عليا تقديم الاعتذار زي ما دايما بقدم الشكر على الحب قادر أتحمل المسؤولية كاملة وقادر كمان أعديها لكن خليكوا في ضهر ناديكم ولاعبيكم لأن في المواقف الصعبة بتبان فعلا معادن الرجال.. شكرا”.