لما الدنيا بتضيق بيا شعر سكينه الصولي
لما الدنيا بتضيق بيا
شعر/ سكينه الصولي
لما النوم بيخاصم عينى
بأجري عليكى تحاجى عليا
ماأنتى الحضن إللى بدفينى
*****
فاكر أول مرة قابلتك
حسيت أن الكون بستان
حتى الناس بتبص عليا
وتقوللى ليه كده ولهان
أعمل نفسى إن أنا مش سامع
لكن قلبى فيه( قلبان )
م إللى أنا شوفته قبل ظهورك
كان القلب ملان أحزان
لكن بعد ماشوفت زهورك
الكون كله بقي فرحان
٠٠٠٠٠
أنا دى الوقتى بأعاهدك إنى
حاأفضل طول العمر معاكى
ياإللى جمالك حايجننى
قلبي العاشق داب فى هواكى
عهدالله راح يحكم ببنا
لو فيه حد يخون التانى
وإللى حايبعد لو فى الجنة
حايقولوا عنه الحور دا أنانى
أنا من جهتى حاأصون العهد
وأفضل أحبك مهما يكون
نفسي أسمع من قلبك رد
لجل نفرح كل الكون
٠٠٠٠٠٠٠٠٠٠٠
داإنتى الدنيا بحالها ياعمرى
وكل حياتى عشانك جايزة
من دى الوقتى حاأسلم أمرى
وأحكمى إنتى وزى ماعايزة
راح أشيلك فوق راسى وعينى
دا أنتى حياتى وضى سنينى
