جرح العمر شعر/سكينة الصولى
جرح العمر شعر/سكينة الصولى
ياجرح العمر ليه باقي
ونازف كل أأشواقي
وليه فى عمرى بتقصر
وماسك أملى بتكسر
ياريت تتلم وتقصر
وتسيبنى ألملم أشلائي
******************
بتجرى ساعات وتطوى أيام
وجرح العمر بيزيدنى آلام
وماشى مييت سنة لقدام
ومش سايبنى حتى أنام
*******************
وأقول ياجرحى فين فرحى
وليه حزنى مرار باقي
بيتقتل فيا أنحائي
ويبعد عنى أحبائي
ويترك لى عذاب وأنين
ومش عارفة أروح على فين
وواخد منى كل حنين
يبدل حزنى للفرحة
وحلم البهجة والطرحة
وأحقق كل أحلامى
وأشوف السعد قدامى
******************
ياجرح العمر ليه قاسي
وقاتل كل إحساسي
وحايش ليه حنان ناسي
ياجرح العمر ليه ناسي
وساقيني مرار كاسي
****************
أمانة عليك تطمني
وبلاش ياجرح تإلمني
داأناعشت العذاب كله
ودقت الهم وذله
أرجوك يازمنى روح قوله
يبعت لى الورد وفله
يعطر كل شيء باقي
وأعيش العمر من تانى
وأبدل كل أحزانى
بفرح عمرى وأشواقي
ويعود لى كل أحبائي
